Para saberes máis: a interpolación
A interpolación consiste na inserción dun ou máis elementos entre o clítico e o verbo, xa sexa un suxeito, complemento directo ou circunstancial.
Actividade 1
Localiza a interpolación que hai neste texto:
Por fin a moita xente xa lle non collía dúbida, pois por dúas
veces, homes que ían de viaxe, atacounos un lobo tremendo, que non sei como
puideron fuxir. (De “O lobo da xente” de V. Risco)
Actividade 2
Localiza a interpolación que hai neste texto tradicional.
Era
Xoán Lamas un home
que traballando ganaba
dous reás inda de xustos
do xornal de cada semana.
Se falo coas mozas, moceiro,
soberbio
se non lle falo,
se
bebo un vaso, borracho,
covarde se non o bebo.
Se vou á misa, beato
se non vou, ateo me chaman.
Este mundo é un rodicio
que mal raio me non parta
non hai mecánico no mundo
que entenda esta maquinaria.
Farei o que me conveña
e o que a conciencia me manda
porque
ó fin e ó cabo
a esta xente non lle debo nunca nada.